爆呔

一路揸車以來都未試過爆呔，點知昨天一爆就爆咗兩條，勁無奈...
原來當條呔爆咗嘅時候，㗎車係非常之震，真係震到㗎車好似就呢爆炸咁！因為之前未試過，我仲以為個 engine 有問題添...



好似坦克車條"里"帶


勁無奈...


之後幾經辛苦（其實係我朋友...）終於換咗條後備呔，以為行得無事啦，點知原來條後備呔係無氣嘅！不過唔換都換咗咯，死就死啦，應該可以捱到呔鋪呱？
於是我就慢慢行慢慢行，一路都無事喎，點知...
好似爆炸嘅感覺又再番呢，唔係吓，又爆呔！
唉！真係福無重至，禍不單行... 今次連個沙板都飛走咗！


好彩最後都係有驚無險，成功抵達車呔鋪。反正其他幾條呔都差唔多，一於一次過換晒佢！


拆出呢嘅舊呔


又要破財... 唉...